तुझ्या माझ्या संसाराला,
ऊब प्रेमाची देऊ.
सारीपाटात सोंगट्या,
सदा अदबीने ठेऊ.
तुझ्या माझ्या संसाराला,
खत जिव्हाळ्याचे देऊ.
रोप डेरेदार होता,
त्याच्या सावलीत राहू.
तुझ्या माझ्या संसाराला,
जीवापाड माखू न्हाऊ,
इवल्याश्या पावलांना,
बोटा आधार हा देऊ.
तुझ्या माझ्या संसाराला,
मनापासून घडवू.
मृत्यू चाहूल ही देता,
संगे जिवालाही वाहू.
कोणत्याही टिप्पण्या नाहीत:
टिप्पणी पोस्ट करा