दुःख तुझिया मनाचे,
माझ्या मना गिळू दे ना.
सुख माझिया मनाचे,
तुझ्या मना माळू दे ना.
कढ तुझ्या वेदनांचे,
माझ्या डोळी स्फुंदू दे ना.
ओढ माझ्या आनंदाची,
तुझ्या भाळी गोंदू दे ना.
व्रण तुझ्या नियतीचे,
माझ्या जन्मा लेवू दे ना.
क्षण माझ्या आनंदाचे,
तुझ्या भाग्या नेवू दे ना.
स्वत्व तुझ्या जिवातले,
माझ्या स्वत्वा खोडू दे ना.
प्राण माझ्या कायेतले,
तुझ्या प्राणा भिडू दे ना.
कोणत्याही टिप्पण्या नाहीत:
टिप्पणी पोस्ट करा