प्रश्न पडे प्रत्येकाला,
मानावे का देवाजीला?
कोडे सुटते हे त्याला,
जो हात घाली गाभ्याला.
कुणी देव शोधे दगडात,
कुणी शोधे त्यास कामात.
कुणी अडके ह्या प्रश्नात,
का अडकावे देवात.
हे कोडे तेथेची सुटते,
श्रद्धा ज्या मनात वसते.
जर अवडंबर माजते,
श्रद्धा ती डोळस नसते.
श्रद्धा खरी असल्यास,
भक्तीची ओढ ही खास.
मग असे सदा उल्हास,
देवाचे दर्शन खास.
कोणत्याही टिप्पण्या नाहीत:
टिप्पणी पोस्ट करा