बुधवार, ११ मार्च, २०२०

तणावाचा सैतान

तणावाचा सैतान,
स्वस्थ बसत नाही.
मानगुटीवर बसता,
माणूस हसत नाही.

डोके त्याच्या ताब्यात,
जाते कळत नाही.
एकसारखा विचार करून,
तोडगा मिळत नाही.

वाटत राहते नेहमी,
काम करतोय भरपूर,
उरक कामाचा संथ,
जणू कामाचा महापूर.

उडून जाते झोप,
स्वप्नी व्याप दिसे.
शांत दिसते सर्व,
मनी खळबळ वसे.

कोणत्याही टिप्पण्‍या नाहीत:

टिप्पणी पोस्ट करा

दोन घासांची लाचारी

दोन घासांची लाचारी, अशी विवंचना ठाई. कणा नाममात्र जसा, प्रश्न भुकेचाच राही. येथे लाथाडले जाती, आत्मसन्मानाचे ढीग. अहंकाराचा प्रकोप, येई रोजच...