गाठीभेटी महत्वाच्या,
नाती ठेवायला ताजी.
कामाचा व्याप प्रत्येकाला,
भेटण्यास व्हावे राजी.
देवघेव सुखदुःखाची,
निचरा भावनांचा करे.
बैसुनी सोबत नातीगोती,
आठवणींना स्मरे.
हळूच हासू चेहऱ्यावरती,
स्मरताना क्षण खरे.
बैठक मग गप्पाटप्पांची,
कुणा कधी आवरे.
फेर धरावा नात्यांचा,
सवड काढूनी नक्की.
दीर्घायुषी मग सर्व रहाती,
भेट सुखाशी पक्की.
कोणत्याही टिप्पण्या नाहीत:
टिप्पणी पोस्ट करा